O Goberno do estado aprobou a fin da obrigatoriedade do uso da máscara en espazos interiores (Real Decreto 286/2022). No que ten que ver co ensino, esta normativa sinala:
- as persoas de seis anos en diante quedan obrigadas ao uso de máscaras no transporte público, incluíndose dentro deste, o transporte escolar.
- recoméndase o seu uso ao profesorado e ao alumnado con algún factor de vulnerabilidade.
- recoméndase o uso da máscara no interior do centro no caso de estar en contacto con outras persoas a unha distancia inferior a 1'50 m.
- recoméndase o uso responsable da máscara nos espazos pechados de uso público nos que as persoas transitan ou permanecen un tempo prolongado.
Pola súa banda, a Consellería de Sanidade da Xunta de Galicia vén de publicar as Directrices sobre o uso das máscaras no ámbito educativo que indican:
USO OBRIGATORIO
• Transporte escolar.
RECOMENDADO
• Persoal traballador do centro educativo.
• Alumnado do centro educativo.
• Centros de Educación Especial que dispoñen de servizo de residencia.
• Casos sospeitosos e confirmados de COVID-19 e contactos estreitos de casos.
O protocolo vixente no centro establece unha distancia de1,20 m entre o alumnado nas aulas, polo que non se pode garantir a distancia de 1,50 m. Por isto, o Equipo COVID do centro recomenda o uso da máscara.